DAVAO CITY – Subling gipasalig sa Department of Education (DepEd)-11 nga andam na ang mga magtutudlo sa rehiyon alang sa ipahigayon nga eleksiyon sa adlaw nga lunes, Mayo 9, 2022.
Kini dungan usab sa gipahigayon nga testing ug sealing sa mga Vote Counting Machine (VCMs) kagahapong adlawa diiin ang mga magtutudlo ang magsilbing Board of election Inspectors (BEIs).
Sumala pa kang DepEd-11 spokesperson Jenielito Dodong Atillo nga wala nay problema sa mamahimong tahas sa mga magtutudlo gumikan kay dugay na nga gipailalom ang mga nahisgutan sa pagbansay-bansay ingon man training arun masiguro nga mahimo nila ug tarung ang ilang mga trabaho.
Samtang gikanayon sab ni Atillo nga mukabat sa 21,806 ka mga magtutudlo ang ilang ipakatag sa tribuok Davao region arun nga mamahimong kabahin sa eleksiyon karun Mayo 9 samtang anaa sa 14,000 usab ka mga lawak tulonghaan ang ilang gamiton arun magsilbing nga mga polling precincts sa mga botante.
Ang nahisgutan nga lakang ang kabahin pa gihapon sa ilang suporta ngadto sa Comelec arun masiguro nga malinawon ug hapsay nga mapahigayon ang bugnong lugay-non sa nasud.
