DAVAO CITY – Nanawagan ang ahensiya sa Department of Education (DepEd) 11 ngadto sa mga ginikanan ug magtutudlo nga likayan ang pagpahigayon og Christmas Party sanglit hugtanon kini nga gidili karong panahona gumikan kay nagpabilin pa gihapon ang bahad sa COVID-19.
Una ng gibutyag ni DepEd spokesperson Jenielito Dodong Atillo nga ugmang adlawa na, Disyembre 12, ang sugod sa Christmas break sa mga estudyante ug magpadayon sila sa ilang klase sa Enero 4, 2021.
Gikanayon sa opisyal nga kinahanglan una nga dawaton sa tanan nga dili pa normal ang panahon dili sama sa milabay nga tuig hinungdan nga kinahanglan motamud sa health protocols aron nga dili mapasakahan og kaso.
Kahinumduman nga dugay nasugdan ang klase sa mga pampubliko ug pribadong tulonghaan sukad nga nahitabo ang outbreak sa COVID-19 hangtud nga gipatuman ang blended learning gumikan kay nagtuo ang ahensiya nga dili kinahanglan nga makompromiso ang pagtuon sa mga estudyante luyo sa gi-atubang nga krisis.
Pahayag ni DepEd spokesperson Jenielito Dodong Atillo.
