DAVAO CITY – Nakiglambigit na karon ang mga ahensiya sa Department of Education (DepED) ngadto sa mga opisyal sa mga pampublikong tulonghaan ning dakbayan sa Davao aron nga ila gilayon nga maaksiyonan ang pahayag sa usa ka Non Government Organization (NGO) nga aduna sumala pay 63 ka mga pampublikong tulonghaan sa dakbayan nga walay access sa limpiyo nga tubig.
Una ng gibutyag ni Mr. Jenielito Dodong Atillo, tigpamaba sa Department of Education (DepeD) 11, nga sa kasamtangan wala pa silay nadawat nga impormasyon nga adunay mga tulonghaan sa siyudad nga walay limpiyo nga tubig.
Posible sumala pa nga ang nakasinate ug susama nga sitwasyon mao kadtong mga eskwelahan nga anaa sa hilit nga mga lugar sa dakbayan.
Hinuon gipasalig sa opisyal nga kung adunay mga tulonghaan nga walay access sa limpiyo nga tubig, ila gilayon kini nga aksiyonan.
