DAVAO CITY – Dakong tabang sumala pa ang gihatag nga lugway sa Department of Education (DepED) sa gipatuman nga Senior High School (SHS) voucher program aron nga mas daghanang mga estudyante ang makapadayon sa ilang pagtuon ilabi na kadtong walay sarang nga ikagasto.
Una ng gibutyag ni Jenielito Dodong Atillo, tigpamaba sa DepEd 11, nga inay Mayo 31 gisibog ngadto sa Hunyo 7 ang deadline sa pagduso ug aplikasyon sa SHS voucher program ug wala na silay ihatag nga extension niini.
Nasayran nga P50 bilyones ka pesos ang gigahin sa gobyerno alang sa maong programa diin aduna kini 56 slots sa tibuok kapupud-an.
Sa Hunyo 24 gikatakda nga ipagula ang pangalan sa mga kuwalipikado nga mga estudyante diin makadawat ang mga nahisgutan ug P20,000 nga ilang magamit sa pagbayad ug tuition fee. Hinuon gitino ni Atillo nga direktang ihatang ang cash assistance sa tulonghaan diin nag-eskwela ang kwalipikado nga estudyante.
