DAVAO CITY – Gikasubo sa Department of Education (Dep Ed) eleven ang pagkadakop sa usa ka magtutudlo sa Davao City National High School nga gidakop base sa warrant of arrest gumikan sa kasong lugod nga iyang gi-atubang.
Sa pakighinabi sa Bombo Radyo Davao kang Mr. Genelito ‘Dodong’ Atillo, tigpamaba sa Dep Ed eleven nasayran nga ang gidakop naila nga usa ka Donjel Cubero, 32 anyos, residente sa Buhangin, ning dakbayan sa Davao.
Dugang pa ni Attilo nga bisan kung nagpabilin pa nga akusado ang nahisgutan nga dinakpan moagi pa gihapon sa tukma nga proseso ang nahisgutan nga dinakpan.
Magpabilin sumala pa nga magpa-abot sa mamahimong dangatan sa kaso sa magtutudlo ang Dep Ed – Eleven.
Subay niini gipahimangno-an ni Atillo ang uban pa nga mga personahe sa Dep Ed ug mga magtutudlo nga likayan nga makahimong dautan labi na batok sa mga magtutudlo gumikan kay dili i-tolerate sa Dep Ed – 11 ang ingon niini nga mga binuhatan.
“We are sudden of the report, but duna pa ni’y agi-an nga proseso we are not holding the accused as guilty of the accusations against him. We are not saying that there is truth to there allegations. We wanted that all the machinery of justice to roll to prove if the accusations is true or not.” Pahayag ni Dep Ed eleven spokesman Genelito ‘Dodong’ Atillo.
