DAVAO CITY – Human ang pagka-kompiska sa mga exotic animals sa Barangay Dahican sa Mati city, Davao Oriental niadtong Abril 8, gikanayon sa Department of Environment and Natural Resources (DENR) regional office nga mas pahugtan sa ahensiya ang ilang kampanya batok sa wildlife trafficking human makadawat ug mga report nga ang Mati City ang usa sa mga gihimong import transaction points alang sa illegal trading.
Subay sa pinaka-ulahi9ng report, 28 na ka mgalanggam ang namatay gumikan sa kakapoy human gibutang sa kulungan sulod sa pipila ka bulan sa mga illegal traders. Gikanayon ni DENR Regional Director Ruth Tawantawan nga gimanu na ni DENR Secretary Roy Cimatu ang tanang mga buhatan sa tibuok kapupud-an nga ipa-ilalom sa hugtanong pagsuta ang mga gikatahapang sakyanan nga posibling mag-import o kaha export ug mga exotic epecies.
Sa pikas bahin, gipasakaan na mga kasong kalapasan sa Section 27 sa Republic Act No. 9147 o ang Wildlife Resources Conservation and Protection Act gumikan sa paghupot ug pagbaligya sa nahisgutang mga endangered wildlife animals sa National Bureau of Investigation (NBI) pinaagi sa Environmental Crime Division-Investigative Service sa nahisgutang ahensiya.
Giila ang mga dinakpan nga sila Jomar L. Toledo, 34 anyos ug Rompas M. Lumakore, 25 anyos, susamang nagpuyo sa Barangay Dahican, Mati, Davao Oriental.
