DAVAO CITY – Nakatala sumala pa ang Department of Environment and Natural Resources (DENR)-Mines and Geosciences Bureau (MGB) Davao ug grabe nga kadaut sa lima ka mga areas sa rehiyon nga gihatud sumala pa kini sa sunod-sunod nga pagtay-og sa Mindanao sa milabay nga Oktubre.
Sumala pa kang DENR-Davao Regional Public Affairs Office (RPAO) chief Jayvee Agas nga pipila ka mga areas sa dakbayan ang nakasinate ug landslides, tension cracks, slumps, ug paghulog sa dagkong bato sa Bansalan, Magsaysay, Digos, Kiblawan, ug dinhi sa dakbayan sa Davao.
Gani aduna sumala pay mga lugar nga nakasinate sab ug ground deformations nga hatud sa tulo ka mga linog nga sentro ang Tulunan, North Cotabato.
Sa kasamtangan, gipahibalo na matud pa sa DENR-MGB ang local government units kalabot sa mga kadaut ug liki nga namatikdan sa maong areas ug girekomenda na ang assessment ingon man temporaryo nga evacuation sa mga residente nga nahimutang sa maong area.
Gikanayong sagad sab nga nasinatian ang pagdahili sa yuta gumikan sa sunod-sunod nga pag-ulan karong bulan sa Nobyembre.
