DAVAO CITY – Gitino sa Department of Environment and Natural Resources-Davao Region (DENR-Davao) nga wala silay gihatag nga permit aron nga putlon ang mga punoan sa kahoy sa Clifford Park sa Roxas Avenue ning siyudad nga maoy hinungdan nga nagpadayag sa ilang kadismaya ang mga sakop sa environment groups.
Sumala pa kang DENR-Davao Regional Public Affairs Office (RPAO) chief Jayvee Agas nga wala sila naka-isyu ug permit aron nga putlon ang mga kahoy sa lugar.
Una ng gibutyag ni Konsehal Pilar Braga nga kinahanglan ipasabot sa DENR-Davao kung nganong gitugtan sumala pa nila ang pagputol sa kahoy sa Clifford Park sa Roxas Avenue human nga nakadawat kini ug mensahe gikan sa usa ka concerned citizens kalabot sa maong insidente sulod sa parke.
Gani kung buot sumala pa nga panindoton pa ang nahisgutan nga park, dili na kinahanglan pa nga putlon ang mga punoan sa palibot niini.
Subay sa balaod, ang pagputok ug mga punoan sa kahoy nga walay bisan unsa man nga permit makonsidera nga usa ka kalapasan sa balaod.
