DAVAO CITY – Gibutyag ni Mayor Al David Uy nga dili sumala pa makaapekto sa tourism industry sa Samal ang deklarasyon nga state og calamity sa Island Garden City of Samal (IGACOS) tungod sa nagkataas nga kaso sa dengue.
Hinuon wala gipadaplin sa opisyal ang posibilidad nga magduha-duha ang mga turista sa pag-adto sa isla gumikan sa nahisgutan nga deklarasyon.
Gipasalig sa lokal nga panggamhanan nga mihimo na sila ug aksiyon kalabot sa maong insidente ug gimandoan ang mga barangay ug purok officials nga gamiton pag-ayo ang disaster funds.
Sa kasamtangan, kanunay sumala pa nga gimonitor ni Uy ang kondisyon sa siyudad ilabi na karon nga nagkaduol na sab ang Kadayawan festival sa Davao diin laoman sab ang pagdagsa sa mga turista sa isla.
Gimandoan na sab sumala pa sa Mayor ang mga barangay units, lakip na ang mga resorts sa siyudad nga magpatuman ug hugtanon nga pagpalimpiyo sa palibot ilabi na sa mga breeding site sa mga lamok.
Kahinumduman nga sa milabay nga semana, gideklara ang state of calamity sa isla human natala ang 249 ka kaso sa dengue atol sa first half ning tuig kasamtangan nga anaa sa 730%.
