Mikatag karon ang manifesto nga buot paglagputon isip Department of Interior and Local Government (DILG) si Secretary Jonvic Remulla.
Ang maong manifesto gikan matud pa sa mga uniformed services sama sa Philippine National Police (PNP), Bureau of Fire Protection (BFP) ug Bureau of Jail Management and Penology (BJMP).
Gani, lain pang manifesto ang gi-isyu sa PNPA Alumni Association, Inc. (PNPAAAI), Association of Police Officers via Lateral Entry (APOLE), ug uban pang high-ranking PNP officials diin ilang gipahayag ang ilang suporta sa pagdumala ni PNP Chief Gen. Nicolas Torre III.
Hinoon, di matud pa tataw ang maong panawagan nga palagputon si Remulla, apan nawad-an na ang uniformed services og pagsalig ug kumpyansa sa DILG Secretary.
Ang ugat sa maong manifesto ang pagkasuko sa mga opisyal ang pagpanghilabot ni Remulla nga usa ka matang matud pa sa pag-pangabuso sa gahum niini human nga gigamit niini ang NAPOLCOM aron usabon ang mando ni Gen. Torre.Gani, sa higayong magpabilin matud pa si Remulla sa iyang posisyon, posibleng mao kini ang tinubdan nga magpa-demoralisa sa kapulisan, kabumberohan ug jail officers nga pulos ilawom sa DILG.
