Nagtuo ang kampo ni kanhi Pangulong Rodrigo Duterte nga ang pagkalambigit sa pangalan sa kanhi pangulo sa extrajudicial killings ilabi na sa pagpatay sa tulo ka Chinese drug lords, nga gipatay sa sulod sa Davao colony niadtong 2016 ang usa ka dimolition job.
Matod pa sa kanhi Presidential Legal Counsel Salvador Panelo “in full swing” na ang demolition job batok sa kanhi pangulo.
Kini homan gibutyag sa duha ka mga kombiktado nga si Fernando Magdadaro ug Leopoldo Tan nga adunay kalabutan ang kanhi pangulo sa pagpatay sa tulo ka Chinese.
Gipahayag ni Panelo nga gigamit karon sa mga kalaban sa kanhi Presidente ang mga convicted inmates nga nag-atubang sa kasong murder ug drug trafficking, nga ilambigit ang kanhi pangulo sa pagpatay sa tulo ka mga Chinese detainees.
Giangkon ni Magdadaro ug Tan sa Quad Committee nga sila ang mipatay sa tulo ka Chinese gumikan na usab sa kamando-an ug bugti sa milyong kantidad ug sa ilahang kagawasan.
Matod pa ni Panelo, walay mawala sa mga testigong convicts gumikan kay sila ang nahukman ug tibuok kinabuhi nga pagkabilanggo.
Apan obvious kuno nga adunay bugti sa nahisgutang mga testimonya.
Dugang gipahayag ni Atty. Panelo nga kung tinuod gipatay nila ang tulo ka mga Chinese gumikan sa kwarta ug kagawasan, mamahimong namakak usab ang mga nahisgutan sa pagkalambigit sa kanhi pangulo bugti sa kwarta ug kagawasan aron dauton ang mga Duterte.
