Balhog karon sa selda sa San Pedro Police Station ang usa ka babaeng drayber human kini nakadunggab og usa ka delivery boy pasado alas 9:00 kagabii.
Subay sa report sa kapulisan, giila ang babaeng suspetsado nga si Hazel Oracion Coronica, 40-anyos, driver nga residente sa Purok 10, Washington Street, Brgy. 39-D.
Samtang ang biktima ang giila nga si Maverick Sabio Candia, 36-anyos, delivery boy, nga taga Purok 11, sa nasampit nga baranggay.
Sa gihimong imbistigasyon sa kapulisan, samtang naglakaw ang biktima padulong sa iyahang pinuy-anan sa usa ka eskinita, kalit sumala pa kining gidunggab human sila nag-abot sa maong dalan diin naigo ang biktima sa likod nga bahin niini.
Dali usab nga nakapangayo og tabang ang biktima hinungdan nga gilayon kining gidala sa Southern Philippines Medical Center kon SPMC.
Sa pagkakaton padayon pang gitambalan ang biktima sa mga doktor nga anaa na sa luwas ang kahimtang.
Giandam na usab ang kaso nga ipasaka batok sa usa ka lakin-on.
Samtang ginasuta pa usab ang motibo niini sa paganunggab ngadto sa biktima.
