DAVAO CITY – Nanghinaut pa gihapon ang Davao City Water District (DCWD) nga maaprubahan sa Local Water Utilities Administration (LWUA) ang sugyot nga 60% increase rates sa tubig sa tunga-tunga nga bahin sa 2020.
Una ng gibutyag ni Atty. Bernardo D. Delima Jr., DCWD spokesperson, nga kung walay ipatuman nga increase, dili sumala pa nila mapundohan ang gisugyto nga proyekto aron nga mapalambo pa ang ilang pagpanerbisyo.
Gimandoan sab sa LWUA ang ahensiya nga mosumite sa ilang mga dokumento sa aplikasyon sama sa lima ka tuig nila nga financial documents ug ang 10-year business plan.
Ilalom sa sugyot, ang mga konsumante nga mibayad ug P137 alang sa 10 cubic meters matag bulan, kinahanglan na nga mobayad ug dugang P82 matag bulan.
Apan gitino sa opisyal nga kadtong migamit ug tubig nga ubos lamang sa 10 cubic meters matag bulan o gitawag nga lifeline consumers nga nagbayad ug P100 matag bulan ang dili gilayon kalakip sa ipatuman nga adjustment.
