DAVAO CITY – Ipatuman sa Davao City Water District ang ikaduhang hugna sa water rate adjustment ngadto sa 20% sugod karong tuiga.
Gikanayon ni DCWD Spokesperson Jovana Duhaylungsod nga gina-rebyu na sa Local Water Utilities Administration ang mga nasumiteng rekisitos alang sa maong pagkunsad sa singil sa tubig.
Dili pa hinuon makahatag ang buhatan sa eksaktong bulan diin ipatuman ang pagsaka sa singil tungod muagi una kini sa tumang ebalwasyon sagad ginapangita sab niini ang pagbarato ug praktikalidad sa rate increase una pa man kini ihatag sa mga konsumante.
Una nang naaprubahan sa LWUA kaniadtong Hulyo 2022 ang ubay-ubay nga increase ngadto sa 60% aron masuportahan ang 10 year development program sa ahensya.
Unang nagpasaka ug 30% ang singil sa tubig niadtong Agosto sa nakalabayng tuig.
Apan gipaklaro ni Duhaylungsod nga taliwala sa maong pagsaka, Davao City gihapon ang dunay pinakabaratong singil sa tubig sa tibuok Pilipinas.
via || Bombo LJF
