DAVAO CITY – Gipahibalo sa Davao City Water District (DCWD) nga dili una sila magpahamtang og penalties sa mga non-payment nga water bills ilabi na kadtong adunay due dates sugod Marso 1 hangtid Abril 14 kini tungod pa gihapon sa coronavirus disease (Covid-19) pandemic kini aron nga dili modagsa sa ilang buhatan ang daghanang ihap sa ilang mga kliyente.
Sumala pa kang DCWD deputy spokesperson Jovana Cresa Duhaylungsod nga alayon ang maony lakang sa Davao City Government Guidelines sa Covid-19.
Gikansela sab karon sa DCWD ang ilang remote collection operations sa Barangay Mintal ug Calinan ug pamub-an ang collection schedule sa Barangay Talomo.
Gitino sa nahisgutan nga “business as usual” ang DCWD human ang ilang istrikto nga precautionary measure nga gipatuman atol sa transaksiyon ug payment sa bills.
Hugtanon sab sila nga mitamud sa Social distancing ngadto sa ilang mga kliyente ug obligado ang mga nahisgutan nga ipatuman ang one-meter distance gikan sa tellers ug uban pang front-liners.
Gipasalig sa ahensiya ang supply sa tubig ug paningkamutan nga walay mapatuman nga water interruptions.
