DAVAO CITY – Gipahugtan pa karon sa Davao City Police Office (DCPO) ang ilang “Oplan Katok” arun paggukod sa mga gun owners nga wala nakapa-renew sa ilang registration ug lisensiya sa ilang armas kini aron malikayan nga mapasakahan ug reklamo ang mga nahisgutan isip kabahin sa gun ban.
Tipik lamang kini human nga gibutyag ni BGen. Benjamin Silo Jr., director sa Police Regional Office (PRO 11), nga mikabat na sa 34,000 loose firearms ang anaa karun sa tibuok Davao region apan 3,000 loose firearms lamang ang natala sa dakbayan.
Kini sumala pa ang rason nga gipahugtan karon sa DCPO ang pagpahigayon ug Oplan Katok”.
Pinaagi niini, kumbinsihon kadtong mga tawo nga kinahanglan ipa-rehistro na nila ang ilang mga armas ug itahan ngadto sa otoridad.
Gipasabot sa otoridad nga ang mga armas nga wala pa narehistro sulod na sa usa ka tuig ang makonsidera na kini nga loose firearms ilabi na kung mag-expire na kini.
Laraw pa gihapon sa nahisgutan nga lakang nga masigurong magmalinawon ang eleksiyon sa musunod nga bulan.
