DAVAO CITY – Andam na ang ipatuman nga seguridad sa dakbayan sa Davao dungan sa gikatakdang pag-abli sa Pasko Fiesta 2019.
Una ng gibutyag sa Davao City Police Office (DCPO) nga maximum deployment ang ilang ipatuman sa siyudad ilabi na sa mga dapit nga adunay ipahigayon nga aktibidad kini aron nga masiguro ang seguridad sa katawhan.
Sumala pa kang Police Capt. Rose Aguilar, tigpamaba sa Davao City Police Office (DCPO), kuhaon sumala pa nila kadtong mga pulis nga nadestino sa lagyong lugar sa dakbayan aron nga magsilbing augmentation sa mga police station diin sakop ang mga ipahigayon nga dagkong aktibidad sa pasko fiesta.
Samtang gikanayon sab ni Police Major Jason Baria, tigpamaba sa Police Regional Office (PRO) 11 nga mukabat sab sa 100 ka mga personahe sa PRO ang i-augment sa siyudad atol mismo sa opening sa Pasko fiesta sa Nobyembre 22.
Gani aduna na matud pay mga inisyatibo nga gihimo karon ang bag-ong DCPO director aron nga masigurong pabilin ang hugtanon nga seguridad sa dakbayan.
