DAVAO CITY- Subling nanawagan ang mga personahe sa Davao City Police Office kon DCPO ngadto sa mga barangay nga nakapalibot sa Davao City Coastal Road nga kon mamahimo, pagarondahan ang maong lugar aron nga mapugngan ang nga insidenteng pagpangawat sa mga kable sa kuryente sa maong proyeko.
Sumala pa sa tigpamaba sa DCPO nga si Police Captain Hazel Tuazon nga dili gayud malukop sa kapulisan ang pagbantay sa maong lugar mahitungod kay daghanan pa usab nga area sa dakbayan ang kinahanglan bantayan sa mga kapulisan.
Sumala pa ni Tuazon nga og aduna lamang mga taga barangay nga mo ronsa sa maong lugar, magduha-duha gayud ang mga kawataN nga mo kuha o moputol ug kable sa maong dapit.
Kahinumdumang dili lamang mga kable sa kuryente ang ginakawat sa maong lugar, gani bisan mga bolts sa maong dapit ang ginahilabtan usab sa pipila ka mga indibidual.
Nagpasalig usab si Department of Public Works and Highways kon DPWH 11 Regional Director Juby Cordon nga paga-ilisdan gayud angm ga gipangkawat nga wires sa Davao Coastal Road Project.
