Nagpasalig si PCol. Hansel Marantan, ang Director sa Davao City Police Office, nga buhaton sumala pa nila ang tanan aron gukdon ang mga naka-ikyas nga mga holdaper, atol sa nahitabong pagpangransak sa usa ka Pawnshop sa Ilustre ning dakbayan, kaniadtong mga nakalabayng semana.
Sumala pa ni Marantan, nga dili matud pa nila kini lung-an hangtod nga dili mahatagan og hustisya ang mga biktima nga nalambigit sa maong insidente.
Dugang pa niini, nga ilahang panigurohon nga madugta gayod sa bilangguan ang mga nakaikyas nga mga suspetsado.
Samtang, nakita na sab sa ilahang buhatan ang get-away vehicle nga gigamit sa mga tulisan.
Sumala pa sa kumpirmasyon ni P/Capt. Hazel Caballero-Tuazon, nakaplagan nila ang sakyanan sa mga tulisan sa Gingoog, Misamis Oriental niadtong nakalabayng adlaw, petsa 4 ning bulana.
