DAVAO CITY – Gipahimangnoan ni Colonel Alexander Tagum, director sa Davao City Police Office (DCPO) ang mga sakop sa Kabus Padatuon (Kapa) nga mokuha una ug permit ayha magpahigayon ug prayer rally dinhi sa siyudad.
Gikumpirma sa opisyal nga nakadawat siya ug impormasyon kalabot sa gikanayong rally sa mga miyembro sa Kapa pinaagi sa social media.
Gitino Tagum nga ang Kapa wala mi-apply ug bisan unsa man nga permit aron nga mag-rally dinhi sa siyudad.
Hinuon gipasalig niini ang kaandam sa mga kapulusan sa susama nga sitwasyon kung ipamugos gayud sa Kapa insist ang pagpahigayon ug prayer rally dinhi sa dakbayan aron nga ipasibaw ang ilang pagbabaw sa posisyon sa kagamhanan nga ipahunong ang ilang operasyon.
Kahinumduman nga una ng gimandoan ni Pangulong Rodrigo Duterte ang National Bureau of Investigation, Criminal Investigation and Detection Group, ug kapulisan nga imbestigahan ang susama nga investment schemes ug pasirad-an gilayon sa hinanali nga panahon.
Gitataw sab ni Public Safety and Security Commander Center head Benito de Leon, nga kinahanglan una nga huna-hunaon sa grupo ang pagpahigayon ug protesta dinhi sa siyudad aron nga dili kini mamahimong hinungdan sa paghuot sa mga kadalanan ug pagkahasol sa mga motorista.
