Nagpahimangno si PCol. Hansel Marantan, ang Acting Police Director sa Davao City Police Office (DCPO), nga adunay silot ang pagpanghulga mahitungod sa bomba.
Kabahin kini sa nahitabong bomb threat joke kagahapong adlawa ngadto sa usa ka tulunghaanan sa Cabaguio ning dakbayan, diin gikanayon sa opisyal ang mga silot niini subay sa Presidential Decree No. 1727.
Nag-una sa listahan ang pagkabalhog sa prisohan nga mulungtad og lima ka tuig, samtang aduna usab multa nga P40,000 sa mga mosupak niini.
Sa laing bahin, posibleng ang susamang silot usab maoy ipahamtang sa si bisan-kinsa man ang magbugalbugal sa balaod.
Ning kasamtangan, nagpahinumdum si Marantan ngadto sa publiko, labot sa pagrespeto sa balaod ug paghatag usab og bili sa mga pasilidad ug mga tao nga mahasul sa hatod niining mga pagpanghulga.
