DAVAO CITY – Mimugna karon ang kapulisan sa dakbayan sa Davao og usa ka Cybercrime Response Team aron nga mahatagan og pagtagad ug matabangan ang mga mabiktima sa mga krimen nga mahitabo pinaagi online.
Sa pakighinabi kang Col. Noel Espinoza, hepe sa Regional Anti-Cybercrime Unit 11 nga taas matud pa ang ihap sa mga nabiktima sa cybercrime dinhi sa dakbayan.
Subay niini, gikanayon ni Espinoza nga mahinungdanon matud pa ang pagtukod sa Davao City Cybercrime Response Team gumikan tubag kini sa nagapadayong pagsaka sa ihap sa mga cybercrime incidents sa syudad.
Samtang sa pikas bahin, hilabihan ang pasalamat karon sa RACU 11 ilabi na nga gisuportahan sab ni Davao City Mayor Inday Sara Duterte-Carpio ang pagmugna niini rason nga mas mapakusgan pa sa Regional Anti-Cybercrime Unit XI ang ilang kampanya batok cybercrime dinhi sa syudad.
