DAVAO CITY – Gitataw ni Davao City Police Office (DCPO) director Alexander Tagum nga gihulat pa nila karon ang ipagula nga warrant of arrest batok sa mga suspek nga gitudlong nanglugos sa usa ka bata.
Hinuon gipasalig sa opisyal nga pangitaon nila ang mga suspek ug gi-awhag sab niini ang publiko nga makiglambigit sa kapulisan pinaagi sa paghatag ug impormasyon. Kahinumduman nga usa ka 4 anyos nga bataeng babaye ang narekober nga patay ug wala nay senina sa kasagbotan nga bahin sa Barangay Tapak sa Paquibato District sa milabay nga bulan.
Residente ang maong biktima sa Sitio Mangani sa nahisgutan nga dapit.
Kahinumduman nga tol sa gipahigayon nga otopsiya sa lawas sa biktima, positibo kini nga gilugod ug gipatay.
Gipakatag na sba karon ang Intelligence Group aron nga imonitor ang posibleng gitagoan sa suspetsado.
Una ng mitanyag si Mayor Sara Duterte-Carpio ug kinatibuk-ang P300,000 reward sa mga makahatag ug impormasyon sa mga suspek nga sila si Steve Allan, Jerome Bang Gaan, Jorex Manlangan, Mayonado Calibay, Jomar Cariaman ug John Onsilag susama nga residente sa Barangay Tapak Proper, Paquibato District.
