DAVAO CITY – Mitala ug taas nga kaso sa pagpangawat ang kapulsian atol sa unang lima ka bulan karong tuiga kung itandi niadtong nakalabay nga tuig 2021.
Subay sa data sa Davao city police office (DCPO) gikan sa bulan sa Enero hangtud sa kasaatangang bulan sa Mayo ning tuig 2022 moabot sa 91 ka mga kaso ang natala sa ilang buhatan.
Sa nahisghutang ihap 58 niini ang mga kasong theft o pagpangawat ug 33 ang kasong Robbery o pagpanulis.
Hinuon, taas nga porsiento ang gikatala nga kasulbaran sa kaso nga moabot sa 71 ka mga solved cases. Niadtong nakalabay nga tuig 2021 sa susamang mga panahon, gikatala usab sa DCPO ang 60 lamang ka mga kaso diin 45 niini ang pagpangawat ug 15 ang Robbery, diin 47 niini ang nasulbad o napasakahan ug kaso ug nabilanggo na ang mga suspetsado.
Gikanayon ni DCPO spokesperson MPolice Major Ma. Teresita Gaspan, kadaghanan sa mga kasong kawat ang nagakahitabo sulod sa mga establisamento.
Tambag na lamang ni Gaspan nga kiinahanglan nga magbinantayon sa kanunay ang publiko
