DAVAO CITY – Mapasalamaton si Davao City Police Office (DCPO) Director Alexander Tagum gumikan kay nagmalinawon ang gipahigayon nga kasaulogan sa 34th Kadayawan Festival.
Sumala lang Tagum dakong tabang ang kooperasyon sa katawhan ug nagkadaiyang stakeholders sa kalampusan sa Kadayawan bisan pa man nga ilang gipatuman ang full alert sa tibuok bulan.
Wala sumala pa silay natalang dagko nga mga insidente atol sa Pamulak sa Kadayawan (floral float parade) ug Pitik sa Kadayawan (drumbeating competition) nga susamang mga major highlights sa kapiyestahan gawas sa Indak-Indak sa Kadalanan (street dancing competition) nga unang gipahigayon sa milabay nga Agosto 17.
Una ng gibutyag ni Public Safety and Security Command Center (PSSCC) deputy head Angel Sumagaysay nga anaa sa 27,560 personnel nga gikan sa safety, security forces, ug law enforcement agencies ang ilang gipakatag aron magpatuman ug seguridad sa month-long festival.
Gawas sa gipakatag nga mga personahe, hugtanon sab nga gipatuman sa dakbayan ang inspeksiyon sa mga tawo nga mosunod sa mga event venue aron masiguro nga walay makalusot nga mga kontrabando.
