DAVAO CITY – Gipasigarbo sa Davao City Police Office (DCPO) ang pag-ubos sumala pa sa crime volume sa siyudad sa milabay nga tuig ngadto sa 6% o 3,666 kung itandi sa 3,938 sa 2018.
Sumala pa kang DCPO director Police Colonel Kirby John Kraft nga sa milabay nga upat ka tuig, nagpadayon sumala pa ang pag-ubos sa crime volume sa dakbayan gumikan sa mas gipahugtan nga pagpaningkamut sa kapulisan batok sa bisan unsa man nga klase sa kriminalidad.
Sa tuig 2016, nakatala ang DCPO og kinatibuk-ang 8,043 crime volume apan paglabay sa usa ka tuig, miubos kini ngadto sa 6,257.
Gitataw sab ni Kraft nga ang DCPO nagpatuman sa anti-criminality ug anti-terrorism program nga gitawag og Davao City Shield 911 nga gilangkuban sa 14 Oplans aron lamang masolusyonan ang isyu sa public safety and security sa pakiglambigit sa uban nga security forces ug law enforcement agencies sa siyudad.
Gawas sa nahisgutan nga programa, nagapahigayon sab sumala pa ang mga kapulisan sa ilang programa aron nga mapahugtan ang ilang kampanya batok ginadili nga druga, illegal firearms, illegal gambling, operasyon batok sa mga wanted persons ug daghanan pa.
