DAVAO CITY – Gitubag sa Davao City Police Office (DCPO) ang akusasyon sa grupong Bagong Alyansang Makabayan Southern Mindanao nga gibabagan sumala pa sa kapulisan ug mga sakop sa Land Tranportation Office (LTO) ug Land Transportation and Franchising Regulatory Board (LTFRB) 11 ang ilang gipahigayon nga lihok protesta dinhi sa dakbayan.
Sumala sa kapulisan nga walay kamatuoran ang maong pasangil sa maong grupo ug gisita lamang ang mga nahisgutan gumikan kay Overloading ug out of line kini nga usa ka tin-aw nga kalapasan sa balaod pinasikad sa Republic Act 4136 o mas nailang Land Transportation Traffic Code.
Girespeto sumala pa sa otoridad ang aktungod sa matag usa ilabi na kung ipahigayon ang susama nga aktibidad nga malinawon ug dili momugna ug kagubot.
Subli sab nila nga barugan ang pagpatuman sa maximum tolerance panahon nga adunay mga lihok protesta apan kinahanglan nga motamud sab ang matag usa sa gipatuman nga balaod.
Gipatuman lamang sumala pa sa kapulisan ang balaod nga walay kahadlok ug walay gipaburan.
