Gipaklaro karun sa Davao City Police Office pinaagi sa tigpamaba sa DCPO nga si PCapt. Hazel Tuazon nga walay natigayong “qouta” kon reward system sa dakbayan, atol sa ginapahigayon nga mga anti-illegal drugs operation.
Nasayran nga una nang gibutyag ni kanhi PCol. Royina Garma ngadto sa kamara, labot sa iyahang nahibal-an matud pa niini kabahin sa war on drugs kaniadto sa nakalabayng administrasyon, nga lakip sa mga nalambigit mao si Senador Christopher Bong Go.
Sumala pa ni Garma, aduna matud pay “reward system” nga nahitabo ngadto sa mga kapulisan nga makadakop ug makapatay ug bisan pila ka mga drug suspect pinaagi sa ginganlan nga “Davao Model.”
Apan pinaagi usab sa pagpaklaro ni Tuazon, nga ang mga nahimong nagmalampuson lamang nga mga trabaho sa DCPO mao ang pinaagi sa tabang na usab sa komunidad labot sa paghatag og impormasyon, inubanan sa pag-beripika na usab sa mga kapulisan sa mga madawatang taho, ayha nga magpahigayon og operasyon batok sa mga iligal nga binuhatan, susama sa illegal drug activities.
Nunot pa man sa maong pasiatab, nagpabilin sumala pa gihapon nga hugot sa pagbantay ang DCPO aron nga pakgangon ang iligal nga droga sa dakbayan.
