DAVAO CITY – Naka-full alert ang Davao City Police Office (DCPO) aron maatiman ang ug mamahimong luwas ang ilang pagsalmot sa Palarong Pambansa 2019.
Sumala pa kang DCPO Spokesperson Police Capt. Teresita Plaza Gaspan, gibana-bana nga mokabat ngadto sa 40 ka libo ka mga atleta ug mga delegado ug mga bisita nga salmot ug mosaksi sa mga dula sugod karong Lunes, Abril 29 gikan sa 17 ka mga rehiyon sa nasod.
Mokabat ngadto sa 4 ka libo ka mga security forces ang gipakatag.
Gatusan ka mga police ang gideploy sa DCPO nga mao mobantay sa billeting quarters, ingon man sa playing venue ug mo-escort sab sa mga atleta ang CTTMO sa ilang biyahe.
Mobantay sab ang mga Police Auxilliary, ingon man ang Task Force Davao (TFD) ug mga sundalo.
Subay niini sumala pa kang Angel Sumagaysay, Chief of Operation sa Public Safety and Security Command Center (PSSCC) gi-oblega sa lokal nga kagamhanan ang tanan nga mga players, coaches ug mga non-coaching staff sa mga delegado nga kanunay nga magsul-ob sa ID aron nga mamonitor sila.
