DAVAO CITY – Lauman ang pagpahigayon og hugot nga seguridad sa Davao City Police Office sa mga simbahan sa dakbayan atol sa pag-obserba sa Semana Santa sa mga Katoliko Romano, ug Ramadan alang sa mga kaigsuonang Muslim.
Gikanayon ni DCPO spokesperson Police Major Catherine dela Rey, mag-deploy ang kapulisan og mga pwersa nga maglawig sa mga gagmay ug dagko simbahan ug mosque diin sagad ginadagsa sa mga manimbahay.
Dugang pa, sanglit face-to-face na ang matang sa paghinumdom niini, magpakatag og moblie patrols ang kapulisan sa matag simbahan ilabi na sa Dominggo sa Bendita sa Lukay, Huwebes Santo, Biyernes Santo, Sabado de Gloria, ug Dominggo sa Pagkabanhaw.
Samtang makigkoordinar sab sila sa mga Imam aron magtagana og dugang security reinforcement alang sa mga mag-sambayang sa mga mosque panahon sa Ramadan.
Nag-awhag ang kapulisan sa publiko nga ipaabot kanila ang mga isyu panseguridad aron mahatagan og pagtagad.
via || Bombo LJF
