DAVAO CITY- Subling gibisita pinaagi sa courtesy call sa bag-ong Acting Director sa Davao City Police Office nga si Police Col. Hansel Marantan ang alkalde sa syudad nga si Mayor Sebastian ‘Baste’ Duterte kagahapong adlawa.
Kahinumdumang kaniadtong Hulyo 15 lamang pormal nga milingkod isip Acting City Director si P/Col. Marantan.
Kahinumduman usab nga una ng gituboy si Col. Marantan isip DCPO Director human sa mga kalit nga paghulip nila Col. Lito Patay nga dul-an lima ka oras lamang milingkod, ug gipuli niini si Col. Sherwin Butil nga kapin oras pa lamang gikan sa pagtuboy kaniya gipulihan gilayon kini ni Police Colonel. Hansel Marantan.
Sa mga hulagway nga nanggawas sa publiko, makita gayud nga nag-inatubangay sa paglingkod ang Acting Director sa DCPO ug si Mayor Baste Duterte.
Samtang sa pikas bahin, mitingog na si Marantan kalabot sa ‘bloodless war’ campaign sa administrasyon nga Marcos.
Sumala pa niini nga sa iyahang kugalingong pag-sabot ang maong kampanya ang sa kinatibuk-an, unta kini ang usa ka bloodless apan matud pa nga ubos sa pipila ka mga higayong adunay mosukol, ma no-choice gayud ang kapulisan og kinahanglan ang pugngan ang maong pagsukol sa usa ka suspetsado.
