Nakadakop ang Davao City Police Office og 64 ka indibidwal sa nagkalain-laing operasyon sulod sa usa ka semana ubos sa pagpangulo ni City Director PCOL Peter Bauzon Madria.
Lakip sa gihimo ang 24 ka anti-illegal drug operations nga misangpot sa pagkadakop sa 25 ka suspek ug pagkasakmit sa 96.58 gramos nga shabu nga nagkantidad og P656,744 ug 1,398.52 gramos nga marijuana nga nagkantidad og P167,822.40.
Dugang pa, 14 ka indibidwal ang nadakpan sa 12 ka anti-illegal gambling operations, diin P3,670 nga bet money ang nasakmit.
Nadakpan usab ang 24 ka wanted persons, lakip ang siyam ka most wanted individuals.
Sa 11 ka operasyon batok sa loose firearms, usa ka suspek ang nadakpan, usa ka armas ang nasakmit, siyam ang gisurrender ug usa ang narecover.
Sa pagkakaron, gipasiguro sa DCPO nga ipadayon ang operasyon uban sa koordinasyon sa komunidad, barangay officials ug lokal nga panggamhanan.| VIA BOMBO EROS PAJOTA
