DAVAO CITY – Ubos lamang gihapon ang ihap sa mga pasahero nga natala sa Davao City Overland Transport Terminal (DCOTT) nga mouli sa ilang tagsa-tagsa ka mga probinsiya atol sa besperas sa pasko kagahapong adlawa.
Sumala kang Aisa Usop, manager sa DCOTT daw ordinaryo lamang nga adlaw ang ilang nasinatian kagahapong adlawa gumikan minus lamang ang mga pasahero bisan nga bastante ang ihap sa mga bus nga mobiyahe.
Gikanayon sa opisyal nga wala sumala pay cut-off ang biyahe sa mga bus apan kinahanglan matud pa nga motamud ang mga bus operator sa kamandoan sa LTFRB-11 nga hangtud alas siete lamang ang biyahe gumikan sa mipatigbabaw nga curfew.
Gipasalig sab ni Usop nga hugtanon nila nga gipatuman sulod sa terminal ang health protocols kini base sa gipagula nga kamanduan sa panggamhanang lokal diin sa entrada pa lamang sa DCOTT aduna na matud pay mga personahe nga gitagana aron nga magpahigayon og inspeksiyon.
