DAVAO CITY – Gikanayon sa Davao City Chamber of Commerce and Industry, Inc. (DCCCII) nga mohimo sila ug action plan aron nga magbaton ug interes ang potential investors dinhi sa siyudad human ang duruha ka adlaw nga Davao Investment Conference 2019 sa milabay nga semana.
Sumala pa kang DCCCII president Arturo Milan nga human ang gipahigayon nga Icon, i-follow gilayon sa Chamber ug Davao City Investment and Promotion Center (DCIPC) ang mga nasod nga nagpakita ug interes nga mo-invest dinhi sa dakbayan.
Gitataw sab ni Milan nga action plan dili susama sa naandan nga resolusyon nga giduso sa business conferences apan ang post-evaluation ipahigayon human ang event.
Kahinumduman nga ang Icon gisalmutan sa 600 ka mga negosyante diin katunga niini ang mga foreign countries sama sa China, Singapore, Japan, South Korea, ug Malaysia ingon man miyembro sa European Union countries.
