DAVAO CITY – Mopahigayon ug suod-sunod nga panagtigom ang Davao City Covid-19 Task Force, security, ug ang response clusters sa lokal nga kagamhanan may kalabutan sa subling pagtugot sa pagpahigayon ug actual nga sabong dinhi sa dakbayan sa dabaw.
kini ang subay sa amended guidelines sa Inter-Agency Task Force for the Management of Emerging Infectious Diseases (IATF-MEID) ilalom sa mas luad nga Alert Level 1 o “new normal”.
Subay sa IATF-MEID Resolution No. 154, Series of 2021, tugutan ang operasyon sa mga sabungan ug sa traditional cockfighting sa mga dapit nga gipa-ilalom sa alert level 2, kung walay pagsupak gikan sa mga local government units (LGU) diin ang himuon ang kalihukan pinaagi na usab sa pagsunos sa gipatumang mga protocols.
Apan, gikanayon ni Dr. Michelle Schlosser, spokesperson sa Davao City Covid-19 Task Force, gikonsedera sa syudad ang sabong nga usaka high risk sa covid 19 transmission gumikan sa panagtapok sa daghang mga tawo sulod sa mga sabungan.
Dugang pa niini nga kung supakon sa task force ug ang response cluster ang pagpabalik sa sabong, hayan nga dili gayud kini tugutan nga subling mobalik dinhi sa dakbayan.
Hinuon, gikanayon ni Schlosser nga mas labing maayo nga hulaton na lamang una ang ipagawas nga executive order may kalabutan sa resumption sa sabong sa syudad.
