DAVAO CITY – Naangkon sumala pa sa Davao region ang pinakataas nga ihap sa mga target beneficiaries sa Social Pension for Indigent Senior Citizens Program alang sa 2019 nga anaa sa kapin 200,000 kung itandi sa milabay nga mga katuigan.
Gikanayong ang listahan sa mga potensiyal nga mga social pensioners ang nakabase sa resulta sa Department of Social Welfare ug Listahanan national assessment sa ahensiya nga gi-endorso sa matag local government units.
Sumala pa kang Arris P. Medrano, DSWD XI head sa Social Pension Unit, nga ang 254,526 beneficiaries karon tuiga ang mas taas kung itandi sa nakalabay nga mga katuigan.
Sa milabay nga 2016, natabangan sa ahensiya ang 85,532 social pensioners samtang sa 2017 anaa sa 136,067 pensioners ang natabangan susama sab nga ihap ang sa 2018.
Naglaom ang ahensiya nga makompleto ang payout alang sa tanan nga mga pensioners uban ang alokasyon nga P6,000 matag benepisiyaryo sa dili pa third quarter karong tuig.
Pinaagi sa nahisgutan nga programa, ang mga pensioners hatagan ug P500 aron nga matabangan ang mga kabus sa ilang panginahanglanon ilabi na ang pagpalit ug tambal.
