DAVAO CITY – Nakadawat og Mobile Health and Wellness Services CaraVan ang Davao Center for Health Development (DCHD) gikan sa Pilipinas Shell Foundation, Inc. kagahapon atol sa turn-over ceremony nga gipahigayon sa Pinnacle Hotel.
Kini usa ka inisyatiba ilawom sa PSFI’s Philippines Response in Optimizing Testing, Empowered Communities, Treatment and Sustainability kon PROTECTS project diin nagkantidad kini og P3.8 million nga adunay kaugalingong laboratory, consultation ug examination area ug usa ka lawak kon comfort room.
Ang maong mobile clinic ang pagagamiton sa paghatod og serbisyong panglawas sa mga rural nga dapit sa rehiyon sa Davao.
Pagatutukan sab ang paghatud og programa mahitungod sa HIV lakip na usab ang pag apud-apod og tambal batok sa HIV, HIV testing, screening, anti-retroviral therapy refill ug uban pa ilabi na nga sukad tuig 1993, miabot na sa 5,654 ang natala nga nagpositibo sa HIV sa rehiyon sa Dabaw samtang 499 usab ang bag-ong kaso gikan Enero hangtod Hunyo ning tuig kasamtangan.
Sumala kang DOH XI Director Dr. Annabelle Yumang, magbutang sila og dugang pa nga mga medikal nga mga ekipo sama na lamang sa X-ray machine ug uban pa nga mga testing apparatus.
Dugang pa niini nga ang mobile clinic usa ka dakong tabang ilabi na sa mga lagyong dapit sa rehiyon nga mas nanginahanglan og community outreach programs.
Via || Bombo Danica Baguio
