DAVAO CITY – Luyo sa padayon nga pagsaka sa kaso sa covid 19 sa davao region gikanayon ni usaka opisyal sa department of health nga nagmaayo na ang kahimtang karon sa rehiyon sanglit wala na kini maapil sa top 10 areas sa nasud nga nagbaton ug taas nga ihap sa covid 19 ug ga bag-ong kaso.
Gikanayon ni DOH-Davao Assistant Director Lenny Joy Rivera, subay sa September 15 Covid-19 national bulletin, dili na apil ang rehiyon a top 10 areas sa nasud nga nagbaton ug active ug new covid cases.
Usa sa mga hinungdan niini mao ang pagtuman sa publiko sa minimum health standard sama sa pagsul-ob ug face mask ug face shield sa mga pampublikong lugar, pagtuman sa two meter physical distancing, ug kanunay nga pagpanghugas ug kamot.
Apan, gikanayon niini nga dili kini rason sa matag usa nga mokompiyansa gumikan kay nagpadayon gihapon ang pagsaka sa local transmission.
Subay sa data, gikan September 1 – 15, kinatibuk-ang 194 cases sa local transmissions ang gikatala.
Dugang pa sa opisyal nga luyo sa pag-ubos sa active ug new cases sa covid 19 ug ang pagluag sa mga sumbanan, dili gihapon masulti nga kontrolado na ang kagaw hangtud magbaton bakuna alang niini.
