DAVAO CITY – Nakaangkon sumala pa ang dakbayan sa Davao ug kinatibuk-ang revenue nga P64.65 billion gikan sa 2.39 million ka mga turista sa 2018.
Sumala pa kang Davao City Investment and Promotion Center (DCIPC) head Lemuel Ortonio nga ang economic benefits kalakip na ang tanan nga mga purchases nga ilang gihimo dinhi sa dakbayan ang nakatabang ug dako.
Atol sa presentantion sa 5th Davao Investment Conference, gitataw ni Ortonio nga positibo ang siyudad nga makab-ot ang ilang target nga three million tourist arrivals karong tuiga nga mamahimong dalan aron nga mosaka pa ang revenue.
Nasayran nga nag-una sa mga international arrivals sa siyudad ang mga Americans, Japanese, Chinese ug Korean visitors.
Una na sab nga gibutyag ni City Tourism Operations Office (CTOO) head Generose Tecson nga tungod sa nagkataas nga ihap sa mga turista sa siyudad, nagkulan na matud pa ang mga accommodation facilities nga mo-cater sa mga bisita.
