DAVAO CITY – Napalabang sa ikaduhang pagbasa sa Davao City Council ang resolusyon nga nag-endorso sa Davao monorail project sa Department of Transportation (DOTr).
Ayha napalabang, usa ka joint hearing sa Committee on Public Works and Highways ug Committee on Transportation and Communication ang gipahigayon sa milabay nga Marso 20 isip kabahin sa rekisitos sa Local Government Code of 1991.
Gipili sa DOTr ang Udenna Infrastructure Corporation nga manguna sa maong proyekto ilalom sa Public-Private Partnership (PPP) scheme.
Ang P29.99-billion project usa ka 13-kilometer straddle-type monorail system nga magsugod sa Bangkal paingon sa SM Lanang pinaagi sa Central Business District ning siyudad.
Nagpasalamat si Udenna Infrastructure business development manager Manuel T. Jamonir sa local council sa pag-endorso sa monorail project, pinaagi sa pagbutyag nga ang maong proyekto mohatag ug long-term transportation solution dinhin sa siyudad.
Bisan nga walay pagbabag atol sa committee hearing, gikanayon ni Jamonir nga ang National Economic and Development Authority (Neda) adunay pipila ka concerns ug concession agreement tali sa Udenna ug DOTr apan gi-andam na matud pa nila ang ilang tubag niini.
Usa sab sa minor minor problems nga ilang gi-atubang mao ang the right of way acquisitions apan dili sumala pa kini dakong babag aron nga dili masugdan ang kick-off sa proyekto.
