DAVAO CITY – Giila karon ang dakbayan sa Davao isip ikatulo sa Most Competitive Highly Urbanized City sa nasod nga mas taas kung itandi sa puwesto sa dakbayan kaniadtong 2018.
Misunod sumala pa ang Davao City sa Quezon City ug Manila City nga anaa sa una ug ikaduhang puwesto.
Una ng gipagula sa Department of Trade and Industry (DTI)-Competitiveness Bureau ang resulta sa Cities and Municipalities Competitiveness 2019 kagahapong adlawa dungan sa gipahigayon nga 7th Regional Competitiveness Summit.
Gikanayong ikaduha ang Davao sa economic dynamism ug ikatulo sa government efficiency, infrastructure, ug resilience indicators. Gihulagway kini ni DTI-Davao Director Maria Belenda Ambi nga usa ka maayong performance sa siyudad.
Sa bahin usab ni Davao City Chamber of Commerce and Industry Inc. president Arturo Milan, gidayeg niini ang kalampusan sa siyudad ilabi na ang pagpaningkamut sa mga opisyal aron lamang posible kini nga maangkon.
Gitataw sab ni Davao City Tourism Operations officer Generose Tecson nga pagpatuod sumala pa niini ang daghanang ihap sa mga turista nga mobisita dinhi sa siyudad nga anaa sa 18 percent ingon man ang mhga ginapahigayon nga meetings, incentives, conventions, and exhibitions (Mice) sa siyudad sa milabay nga 2018.
