DAVAO REGION- Paningkamotan sa Davao Eagles delegates nga malampasan niini ang rank sa milabayng tuig nga anaa sa ika unom nga pwesto ug tinguha karon niini nga masungkit ang ika upat nga pwesto.
Sumala pa sa tigpamaba sa Department of Education kon DEPED XI, Jenielito ‘Dodong’ Atillo nga dugay na gayud nga panahon nga nasakmit sa Davao Region ang kampyeonato ug matud pa niini nga ang rank 6 sa milabayng mga katuigan mao na ang 2nd nga highest rank nga nakuha sa mga dabawenyo.
Sigon ni Atillo nga makita gayud ang progress sa rangko sa mga dabawenyo kon itandi kini sa milabayng mga panahon.
Pagbutyag pa niini nga aduna gayuy ginahatag nga incentives ang lokal nga panggamhanan diin ang usa ka medalya nga madaugan sa usa ka atleata ang adunay katugbang nga kantidad apan kana ang madepende pa sa desisyon sa LGU’s.
Sa pikas bahin, gikumpirma ni DEPED XI Regional Director Allan Farnazo nga susama sa milabayng tuig, alang sa mga individual games o ginatawag nga measurable sports, o kinsa man ang makadaug og mga medalya ang audna usab kini katugbang nga kantidad.
Manawagan gyud mi og pag-ampo pud para sa tanan. (1) Para sa proteksyon sa mga atleta, coaches, chaperones ug sa tanang mo-participate niini ug sa entire delegation and then (2) is katong effort nato nga masaka nato ang ranking gikan sa milabayng tuig
DEPED XI Spokesperson Jenielito ‘Dodong’ Atillo in interview with Bombo Radyo Davao.
Matud pa ni Atillo nga adunay katugbang nga 25mil pesos ang gold medal nga madaugan sa usa ka atleta. Samtang 5mil pesos ang katugbang kantidad sa silver medal ug 3mil pesos alang sa bronze medal.
Pagpaklaro niiini nga maong layo ang kalahian sa kantidad tungod gihatagan gayud nila og bili ang gold medal haul tungod kay mao kana ang maghubit sa ranking sa mga delegado.
Dugang pa ni Atillo nga lahi usab ang computation alang sa madawatan sa mga grupong atleta sama sa basketball ug volleyball apan matud pa niini nga adunay gayuy opurtunidad ang matag atleta nga makadawat og insentibo.
