DAVAO CITY – Wala pa mihatag sa iyang pahayag si Davao del Sur Vice Governor Marc Douglas Cagas IV kalabot sa gipagulang 10 ka panid sa December 3 Resolution diin suspendido ang opisyal gumikan sa kasong gi-atubang niini gumikan sa gikanayong pagbalhin niini sa iyang P9.3 million Priority Development Assistance Fund (PDAF) sa mga entities nga gipanag-iyahan ni pork barrel scam mastermind Janet Napoles.
Kahinumduman nga anaa sa 90-day preventive suspension ang gipagulang desisyon sa Sandiganbayan tungod sa kuwestiyonableng paggamit niini sa iyang PDAF kaniadtong 2008.
Kahinumduman nga gipasakahan sab kaniadto sa anti-graft court sa sandiganbayan ang iyang amahan nga si Davao del Sur Governor Douglas Cagas tungod na sab sa pagkalambigit sa pork barrel scam kaniadtong kongresista pa lamang kini.
Gigahin sab sa nahisgutan ang iyang Priority Development Assistance Fund (PDAF) sa ghost projects kaniadtong 2007.
