Nagpaguwa karon ug kamanduan ang probinsya sa Davao Del Sur kabahin sa pagpugong sa posibling pagkaylap sa Monkey Pox kon Mpox sa nasampit nga probinsya.
Gumikan niini sugod karong adlawa ipatuman na ang mandatory nga pagsul-ob og facemask sa tibuok probinsya sa Davao del Sur human sa gipagula nga Executive Order ni Governor Yvonne Cagas. Ang EO No. 20, Series of 2025, nga naglatid sa strict observance of health protocols batok sa posibleng hulga sa Monkeypox (MPOX).
Subay sa maong kamanduan, kinahanglan nga motaod ang mga residente, mga empleyado, mga bisita, sa mga pampubliko ug pribadong sektor nga magsuot og facemask ilabi na sa mga pampublikong lugar susama sa simbahan, merkado, terminal, ug opisina sa gobyerno.
Gipasalig usab sa kagamhanang probinsya nga ang mga ospital ug rural health units (RHUs) andam sa pagdawat og kaso kon adunay ma-diagnose nga positibo sa maong balatian. Tungod niini, naglaom ang porbinsyal nga motamod ang katawhan tungod kini ang alang sa kaayuhan sa kinatibuk-an.
