Nagpasalamat si Davao del Norte Rep. Pantaleon Alvarez nga sa kataposan nakalusot na sa House Bill 10439 o Medical Cannabis Law.
Sumala pa ni Alvarez nga usa sa mga nag-unang author sa maong sugyot, nga maayo kini nga pagsugod sa atong mga Pilipino nga adunay mga sakit sama sa cancer ug seizure kon “patol” nga makatabang sa paghupay sa sakit sa medical cannabis.
Dugang pa niini nga gitun-an ug gigamit na kini sa ubang nasod, butang nga angay na kining gamiton sa Pilipinas, ilabi na nga gitugotan sa Pilipinas ang alkohol, sigarilyo ug mas kusog nga mga painkiller.
Kinahanglan usab nga mapamatud-an nga adunay benepisyo sa kahimsog ang medikal nga cannabis.
Gawas pa niini, nga ang balaod sumala pa makaabri sa potensyal nga kita tungod ang medikal nga cannabis mahimong itanom sa nasud inay nga mag-import.
Gipaklaro usab niini nga adunay dako nga potensyal nga makamugna kini og kita kon income alang sa mga mag-uuma ug mga lokal nga mga korporasyon dinhi sa nasud diin makatabang usab kini sa gobyerno pinaagi sa buhis.
