Nagkatinubagay sa senate hearing si kanhi Pang. Rodrigo Duterte ug Sen. Risa Hontiveros human nga subli niining gibarugan nga walay Davao Death Squad.
Subling gipaklaro sa kanhing pangulo nga ‘warning’ ug istorya lamang ang tanang giluwatan niining pahayag nga hutdon niini ang tanang nalambigit sa droga.
Giklaro niini nga iinganyo lamang matud pa ang mga kriminal nga musukol ug bunluton ang mga armas ug mulaban ug a higayong mulaban, patayon aron mahuman na matud pa ang problema niini.
Birahon matud pa ni FPRRD si Sen. Risa Hontiveros paingon sa impyerno human nga nagkatensiyon ang duha sa hearing.
Gani, subling gipanghimakak ni Atty. Salvador Panelo, kanhi chief presidential counsel sa Duterte administration nga dili ug walay illegal nga nahitabo sa war on drugs ug gibuhat lamang sa kanhi pangulo ang iyang trabaho aron protektahan ang mga Pilipino batok iligal nga droga.
Sa pikas bahin, gibunyag ni Christina Gonzales, asawa sa usa sa namatay sa war on drugs nga ang mga ginabaligya nilang droga gikan matud pa sa kapulisan.
Dugang pa niini nga ang asawa matud pa niini ang ginasugo sa kapulisan niadtong milabay nga katuigan nga maoy tiglimpyo sa dugo sa mga sakyanan sa higayong dunay mamatay sa matag operasyon.
Apan, gibutyag ni Sen. Bato Dela Rosa nga kanhi usab PNP Chief nga mugna-mugna lamang ang Davao Death Squad (DDS) sa media, nga bisan og adunay krimen mahitabo kaniadto sa Davao City, gamiton dayon ang DDS nga mao sab ilang gikatingad-an.
