DAVAO CITY- Gipasabot ni Davao de Oro Gobernor Tyron Uy kung nganong temporaryo una nga gipa-undang ang operasyon sa usa ka Mineral processing plant nga nahimutang sa Mt. Diwata sa nahisgutan nga lalawigan.
Sumala sa opisyal nga gipatuman nila ang cease and desist order sa Mines and Geosciences Bureau (MGB) sanglit laraw sumala pa niini nga mahatagan na ug kahigayonan nga mobalhin sa laing lugar ang operasyon sa nahisgutan nga planta.
Hinuon nakiglambigit na matud pa sila sa nga hingtungdan nga ahensiya sa kagamhanan aron nga matabangan kadtong mga mamumuo nga nawad-an ug trabaho ug matunolan sila ug hinabang.
Gihangyo lamang karon ni Gov. Uy ngadto sa mga maapektohan nga mga residente ug mamumuo sa Diwalwal nga unta motamud lamang sa maong kamandoan gumikan kay usa sab kini sa kamandoan ni Pangulong Rodrigo Duterte.
Gi-awhag na lamang sab niini ang mga nanag-iya ug planta nga aron makapadayon sa ilang operasyon, mas maayo sumala pa nga paspas sab ang ilang pagbalhin sa mga gitugot nga lugar partikular na sa Mipatas Area sa nahisgutan nga lalawigan aron nga walay mga mamumuo nga makulban ug kaldero.
Kahinumduman nga daghanang mamomo sa maong planta ang nagpahigayon ug lihok protesta human nga daghanan kanila ang nawad-an karon ug trabaho.
