DAVAO CITY – Magtagana na ug mga traffic enforcers ug ipatuman ang one-way routes sa mga agianan padulong sa sementeryo.
Gikanayon ni Davao City Transportation and Traffic Management Office head Dionisio Abude nga madayon gihapon ang paghan-ay sa dagan sa trapiko sa mga kadalanan paingon sa mga pampubliko ug pribadong sementeryo sa dakbayan.
Magpahigayon ug rerouting paingon Davao Memorial Park sa Matina, Davao Wireless Cemetery sa may Father Selga Street, San Pedro Memorial Park sa Circumferential Road, Forest Lake sa Maa, Golden Orchard Memorial Park sa Talomo, Masonic Cemetery sa A. Pichon Street, Roman Catholic Cemetery sa Father Selga Street, ug Davao Chinese Cemetery sa Marfori Street, ning dakbayan.
Giawhag sa CTTMO ang katawhan nga muduaw ug sayo sa mga sementeryo taliwala sa gilaumang influx sa mga mubisita sa ilang mga mipanaw nga mahal sa kinabuhi karong Kalag-kalag.
Kini na ang labing unang higayon nga ablihan sa publiko ang mga sementeryo alang sa Kalag-kalag karong tuig human sa duha ka tuig niining pagsirado atol sa pandemya.
via || Bombo LJ Florendo
