DAVAO CITY- Target karon sa Davao City Tourism Operations Office kon DCTOO nga makadani og 130,000 ngadto sa 200,000 nga mga lokal ug langyaw nga turista atol sa pinaka-unang “Duaw Dabaw” 2024.
Ang maong aktibidad ang bag-ong tourism campaign sa Lokal nga panggamhanan sa Davao diin tumong niini nga mahatagan og pasidungog ang pinasahing ma-offer sa syudad ug alang na usab mapakusgan pa ang tourism industry sa syudad.
Kahinumdumang ang maong summer festival ang magtuyok sa upat ka components nga mao ang Davao Tourism, the Feast of San Pedro, Pride Month, ug Lifestyle and Leisure.
Dugang nga ni Romero nga tungod ang bulan sa Hunyo ang natunong sa Pride Month, nakadesisyon ang buhatan sa CTOO nga pagabuhatong main activity sa maong festival ang Reyna ng Davao.
Manukad ang maong selebrasyon karong umaabot nga Hunyo 21 sa Duaw Davao Music Fest sa Rizal Park. Ipahigayon karong Hunyo 23 ang Hugyaw Davao: Night of Fun and Colors sa Rizal Park.
Mag-paugnat sa kusog ang mga myembro sa LGBTQ+ community alang sa Pride Sportsfest karong Hunyo 21 hangtud 23 sa Davao City Recreation Center.
Koronahan sab ang bag-ong Reyna ng Davao karong Hunyo 22 nga ipahigayon sa USEP Gymnasium. Murampa sab ang mga rayna alang sa Duaw Davao Pride Parade sa may dalang Roxas Rizal karong Hunyo 23.
Karong Hunyo 27 hangtud 30 ang Davao Turismo Arts and Food Trucks Bazaar sa may Rizal Park.
Maghugyaw sab ang mga Dabawenyo alang sa kapistahan ni San Pedro pinaagi sa Paghiusayaw sa San Pedro Square karong Hunyo 29, ug mag-atbang ang mga pinakahawod sa mobule game nga Mobile Legends alang sa MLBB Tournament karong Hunyo 30 sa Davao City Recreation Center.
Kini ang dugang nga festival dinhi sa Davao City nga himoong yearly tradition matag summer sugod karong tuiga.
via // DMA
