DAVAO CITY – Naa sa baynte ka mga Patient’s Transport Vehicle ang gipang-apod –apod sa Philippine Charity Sweepstakes Office (PCSO) ngadto sa pipila ka mga Local Government Units sa Visayas ug sa Mindanao.
Sa nahisgutang ihap, tulo niini ang alang sa Davao region nga gilangkuban sa mga lungsod sa Sta. Cruz sa Davao del Sur, Marilog District Hospital sa Davao City ug Don Marcelino sa Davao Occidental.
Tumong sumala pa sa nahisgutang programa nga mahatagan ug medical tyransport vehicles ang tibuok nasud aron matabangan ang mga pasyente nga madala sa ospital ug mas mapoadali ang transportasyon sa mga healthcare workers sa pagresponde sa mga nanginahanglan.
Sumala kang PCSO general manager Royina Garma ang nahisgutang mga dapit ang usa sa mga mitabang sa lotto operation ug padayon nga misuporta sa mga PCSO games.
Kahinumduman nga naa sa 59 ka mga units usab sa Patient’s Transport Vehicle ang gihatag ngadto sa Philippine National Police ug uban pang mga Local government uinits sa Mindanao naidtong niadtong bulan sa Pebrero ning tuig kasamtangan.
